Onda ch’a s-ciòpo ij cangiament arnos
onda ch’l’ancheuj a arvela la san-a che a arnass,
prima bëcioca euj-luisanta a l’ambòss
corma ’d gòj ch’as ëspecia
ant lë sclintor tut-nossent;
rèida ciap’lòira dla gòj, d’àutri gòi a n’arcassa
an sle bëcche ’d na lun-a, desert sensa sust.
Gòj sensa arlass tombran sfrandà ’n sepoltura
(ηδονή εν κινήσει ηδονή καταστηματική)
canson sensa n’órdin mach frev-arbujent
an sl’òra fòra finagi d’un temp angossant.
Son sensa n’orlo gicant a vemprìo
la maravija dij mond d’un zongleur.
Na maravija sensa fin anté che tut a brusrìa
an sla còrda mars-solenga ’d malpron
d’àutre a bërluso e la scala temprà
as àussa ant ël veuid.
Musica Dove scoppiano i tristi cambiamenti/ dove l’oggi rivela la coppa che rinasce,/ prima alticcia occhio-luccicante all’incontrario/ colma di gioia che si specchia/ nella luminosità tutto-innocente;/ rigida trituratrice della gioia, altri “gentili” ne respinge/ sulle cime di una luna, deserto insulso.// Gioie senza riposo cadranno a precipizio nella tomba,/ (piacere in movimento piacere in riposo)/ canzoni senza un ordine soltanto febbri-ribollenti/ sul soffio fuori confine di un tempo angosciante.// Suoni senza un orlo di gemme arboree riempirebbero/ la meraviglia dei mondi di un giullare./ Una meraviglia infinita in cui tutto brucerebbe/ sulla corda marcia-solitaria di sventura/ altre luccicano e la scala temperata/ si alza nel vuoto.
