A NINU D’U MINNULÌTU
Ninu liggii a to’ littra: m’addùmanni
cchi fazzu, cchi mi sentu, cchi è ca pensu
ora ca chiusi a fabbrica d’u ’ncensu.
Poi mi scrivi ca si’ sutta scuntentu
nta’n mal’abbentu ca ti pirciulìa …
Ma cchi voi ca ti dicu? Quant’a mmia
sugnu com’u v’a scìddica si cchiovi
mangiu angiovi salati ppi cantàri
cc’a vuci cchiù schiarùta
e m’allàttunu comu ’n picciriddu.
Nuddu è ca non mangia e fa muddìchi
e nuddu cerca spichi a jazz’i troia …
E allùra?
Allur, amicu miu, statti curcàtu
ca u quatu è chinu di latti di scecca
u rimeddiu è sicuru!
Ti scanti pirchì fai malacumparsa?
Ma lévicci ’sta farsa!
Cchiù scur’i menzannotti non po ffari!
Ti senti strabbudutu? Non sai stari?
Mazzir’ô coddu e v’a jettiti a mmari.
LETTERA A NINO DEL MANDORLETO – Nino, ho letto la tua lettera: mi chiedi / cosa opero, cosa penso, come mi sento / adesso che ho chiuso la fabbrica dell’incenso. / Poi mi scrivi che sei più che scontento / vivi una mala ansia che ti tormenta dentro … / Cosa vuoi che ti dica? Quanto a me / mi trovo che da dove piove scivola / mangio acciughe salate per poter cantare / con voce più chiara / e già di questo mi nutro come un bambino che si sazia di latte materno. / Non esiste il digiuno che lascia cadere briciole / come nessuno cercherà spighe dove dorme una troia …/ E allora? / Allora, amico mio, restatene a letto coricato / perché il secchio è colmo di latte d’asina / il rimedio è sicuro! / Hai timore per la pessima immagine che darai di te? / Ma smettila con questa commedia! / Non ci sarà ora più buia della mezzanotte! / Ti senti sbandato? Non sai stare al gioco? / Un macigno al collo e scaraventati in mare.
VACCINU
D’unni chiovi mi scìddica ma u ventu
mi’ncheta
mi fa friscari ’aricchi usu zanzara
u tempu passa e iù rupp’a quartara!
Mi veni di pinsari all’ann’antichi
quannu erimu nichi e poi criscennu
persimu la nnuccenza.
M’arriòrdu chitarri e mandurlini
sutta occhi balcuni
di sabbutu nt’u fil’i menzannotti
poi o luni cc’u grecu e cc’u latinu
finu ca poi ccu l’anni
sappi sèntiri ca m’hao fattu ’ranni
e nenti cchiù chitarra e mandurlinu
ma ogni jornu litri di vaccinu
contr’a malaria d’a ggenti perbeni.
VACCINO- Da dove tocca scivola la pioggia ma il vento / mi disturba / mi procura fischi nelle orecchie come da zanzara / il tempo passa e ho rotto la quartara! / Mi viene da pensate agli anni antichi / quando eravamo piccoli e poi crescendo / perdemmo l’innocenza. / Mi ricordo chitarre e mandolini / sotto qualche balcone / di sabato sul filo della mezzanotte / poi il lunedì col greco e con il latino / fino a quando con gli anni / ho capito di essere cresciuto / e non era più stagione di chitarre e mandolini / ma a ogni giorno litri di vaccini / contro la malaria della gente perbene.
Turi d’a Rràsula
