An sla brova ’d cost bòsch
a passo j’ani trambland
e as dëstaco da branch
rancin ëd memòrie
parèj dle feuje strompà
da tròpa lus ëd silensi.
La vita as dëstaca da fiame e fior
a taconé milen-e ’d pensé d’achit
e l’alvà tërbol dij sens.
Minca di as perdo le spluve
’d lande e ’d flin-e satìe
’d minca sòrt ëd carësse
e ’d paròle ch’a slanghisso anvers
na riva sglissanta d’arcòrd
e ’d lus seren-a dë stèile.
Il bosco Sul limitare di questo bosco/ passano gli anni tremando/ e si staccano da rami/ avari di ricordi/ come le foglie strappate/ da troppa luce di silenzio.// La vita si stacca da fiamme e fiori/ a rattoppare migliaia di pensieri immediati/ e il lievito torbido dei sensi.// Ogni giorno si perdono le scintille/ di lamenti e di rabbie colme/ di ogni genere di carezze/ e di parole che languiscono verso/ una spiaggia scivolosa di ricordi/ e di luce serena di stelle.
