Al momento stai visualizzando Ê TEMPI ANTICHI QUANNU I PUUREDDI…

(Le fiabe di Turi d’a Rràsula)

Ne’ tempi antichi quannu i puureddi
murevunu di fami, e ppi campàri
a ppisca ê pisci o a caccia d’aceddi
circàunu ’u zzocché,
massaru Ninu vidennu ’n picciòttu
ccu appressu ’n cani cchiù mortu  ca vivu
appietusitu cci dissi ô patruni:
“Facci ’na muticata ô to’ canuzzu”
’U picciòttu ca era a lu smisciàsciu
si vutàu e ccu facci’i spiriùni
ci arrispunnìu cchiù afflittu d’u so’ cani:
Massàru Ninu ca stàmini muti
si mancu cci haiu iù ’nnòzzul’i pani
cchi pozzu muticari a idddu, cuti?”
Massàru Ninu si ’ntisi tuccatu
tra raggiuni, cuscenza,  funn’i cori
e ’bbaddariannu a modu so’paròli:
“Cumpagni ’n dolu n’ham’a cunsulàri”
Cci arribbicau “ca tutti semu cani
sutta tavuli, ccu’a vucca ê muddìchi,
di cu s’abbùffa. Su’ distini antichi,
m’almenu tu si’ ggiuvini e la sira
prima ca t’addummìsci e si’ dijunu
po’ priari a cu tuttu sapi e vidi:
Cristu pietusu, mannimmìllu ’n crastu 
e ccu ’n fasciu di ligna quant’u rrustu.
 

Nei tempi antichi quando i poveri … – Nei tempi antichi quando la gente povera / moriva di fame e per sopravvivere tra il pescare qualche pesce o andare a caccia di uccelli / cercava quel che si sia, / Massaro Nino osservando un giovane / che si portava dietro un cane macilento / impietosito disse al padrone:/ “fagliela una sbriciolatura di molliche al tuo cane”.  Il giovane che era all’estremo delle forze / si è girato con il volto di chi sta per esalare l’ultimo respiro /e gli rispose più afflitto del cane: “Massaro Nino, meglio starcene muti, / non avendo nemmeno io un tozzo di pane / cosa potrei sbriciolare di molliche pietre? / Massaro Nino si sentì toccato / tra razionalità, coscienza, profondità di cuore / e palleggiando alla meglio e a modo suo le parole: “Compagni nel dolore ci dobbiamo sostenere” Gli ha replicato,” perché siamo tutti cani / sotto tavole, con la bocca aperta alle briciole / di chi si riempie la pancia a strasazio.  Sono destini antichi, / ma almeno tu sei giovane e a sera / prima di addormentarti e sei digiuno / puoi pregare colui che tutto sa e tutto vede: “Cristo mandami un agnellone / e con un carico di legna per potermelo arrostire.”

Turi d’a Rràsula