A Michele Pantaleone

 

strati di bitumi
jancu e spaccatu
acchianunu
a rritta e manca
ppi vèniri ô to paisi
a mmenzu terri
unni pruiennu ’na manu ô ventu
chista si inchi di celu e linticchi:
è Villalba!

ti sciancaru li putenti
picchì ci facisti ’na peddi
chistu ti lassaru ’i morti
ca non sulu dicisti ciciru
macari cosi supecchiu

scrivi e allenta li pinzeri
tempi e cristiani su’ currutti
scrivi e allenta li pinzeri
ti ficiru pazzu comu Puddu mastru d’ascia 
ca na so’ testa aveva ’na vera trancascia
scrivi e allenta li pinzeri
sulu lu pazzu canta sulu lu pazzu campa
scrivi e allenta li pinzeri
scrivi tuttu ’u fogghiu
finu a’ fini
ca forsi ’i cosi canciunuPantaleone
scrivi e allenta li pinzeri
’a Sicilia cancia
o forsi no

ma tu
scrivi
’u stissu

scrivi e allenta li pinzeri

 

 

 

 

 

 

Print Friendly, PDF & Email