Mentri taliava ‘u suli ca nasceva, i me’ cumpàri, a ddestra e a mmanca, si lastimiavunu taliannusi a vicenda
Unu diceva ca ‘sta vita a svilita malamenti, ‘n autru ca so’ mugghieri non si cumpurtava cu iddu troppu bbeni, ‘n autru ancòra ca i soddi si naunagghiùtu sempri troppu ‘n fretta.
E a’ fini di tanti affanni non rresta nenti se non pidùcchi e ccìnniri.
U cori m’addiventau niuru-niuru e siccu comu ‘u carbuni
U suli sta tramuntannu sulu sulu
Ppi nenti parissi.
Nuddu ca si n’accorgi e dicissi “T’arringraziu pp’u sulu fattu ca ha’ statu ccu mmia macari oggi a ddari luci ê guai mia e di tutta a ggente”
Iu mi dumannu se non fussi megghiu ca finissimu tutti di ciànciri
e ni mintìssimu ‘n attimu ‘a taliari, a raggiunàri megghiu.
