Mala comparsa e trùgghiulu
na mala camurrìa
unn’è ca cci appinnemu
a ciancianedda ô jattu?
Ittamini a natàri
inchiemuni u piattu
sùcamuni u cannòlu.
Trùgghiulu è diri massimu
d’u quagghiu fattu tuma
na speci ‘i pasta ‘i mennula
cucinata cc’a scuma.
Iu m’arriòrdu ‘i cìmici
ne’ sidìli d’i treni,
i pùlici di jatti
i zzicchi a pedd’i cani
trùgghiulu nutricatu
ppi cumparsa ‘i tiatru
appisu usu ritrattu
nt’u muru, comu ‘n quatru.
