As arpija ant la neuit afrosa ’l vòl
ëd la Fenis ch’a sbefia la fin;
sò braj as anvisca e a cissa
stërmà an sël feu che a cheuj
l’ùltim but ëd soa vita
parèj ëd n’erbo antich
sota ’l cél dësmentià ’d nòsti arcòrd.
Erbo chërsù an sij finagi
dël bòsch ch’a taja ancheuj e doman
ant na lus ch’a smasiss ant ël jer
ëd na memòria contraria a l’òm.
Parèj la Fenis a grinfa la susna
d’un romé ch’a arfuda lë spìrit
ëd na conossensa neuva
s-giaflà da soe ale antiche.
Bërlusent l’arch ëd le paròle
ch’a arnassran da tò feu
che minca na lus a sara ant ël cel
an sl’ùltim orisont ëd la vita,
anté che òra e tèra e eva
a batieran l’arnassensa
ëd na mistà veuida e rupìa
ant n’arcòrd ch’a smasiss
d’un passà sensa fin e sensa làuda
anviscà da le lòsne che a canto
ël misteri d’un seugn ëd carcaveje.
Fenice Riprende nella notte spaventosa il volo/ della Fenice che sbeffeggia la fine;/ il suo urlo si accende e stimola/ nascosto sul fuoco che accoglie/ l’ultimo fine della sua vita/ come un albero antico/ sotto il cielo dimenticato dei nostri ricordi./ Alberi cresciuti sui confini/ del bosco che taglia l’oggi e il domani/ in una luce che si stempera nel ieri/ di una memoria contraria all’uomo./ Come la Fenice afferra il desiderio/ di un pellegrino che rifiuta lo spirito/ di una conoscenza nuova/ schiaffeggiata dalle sue ali antiche.// Luccicante l’arco delle parole/ che rinasceranno dal tuo fuoco/ che ogni luce chiude nel cielo/ sull’ultimo orizzonte della vita,/ dove brezza e terra ed acqua/ battezzeranno la rinascita/ di un’immagine vuota e grinzosa/ in un ricordo che svanisce/ di un passato senza fine e senza lode/ acceso dai lampi che cantano/ il mistero di un sogno-allucinato.
