Iurnàti di fùa ‘ccupùsa
ricòncunu li vecchi a la friscùra.
Scutànnu li so’ fatti
àrvuli cintinàri
‘ncravàrcunu rammi d’ossa
a la scòrcia rùppa rùppa
‘nta riòrdu d’èbbichi tristi;
sàngu càudu di picciuttànza
sfùnna la peddi nìura,
ùnchia li vini di li manu.
– Ppi cu sòna ‘sta unìa?
– No sai
ca Turi ‘u Miricànu sa cugghìu?
Ppi iddi,
la morti evi ‘ncòrpu di battàgghiu
ca stràcqua ‘nta l’àriu nettu
ciàuli di campanàra,
‘na carta di lùttu
cu ‘na Madonna ‘Dduluràta
a cunsòlu di li vivi.
– Dda, a Novaiòrca, cu ìnchi
‘ncuscìnu di filè,
ccu fògghi d’arànciu?
cu scarpèdda lu silènziu
ppi ‘na cruci di sciàra?
Prummùni ‘ntartaràti di sucàrru,
còppuli ‘ncatramàti di sudùri
brivìsciunu amìci e nnimìci,
cu la mimòria di tutti li cosi:
– Ti lu riòrdi a Pippìnu Iaggiànu?
– A donna Nina la Francavigghiòta?
– Li rànnuli di Sant’Antunìnu?
– A sciàra du Vintitrì ca furricàu…
– No! Fu chidda du Vint’òttu!
A la muntàgna
ancòra quàgghia chiùmmu
e stàgghia a cruci
lu riflèssu murènti di la luna.
Si sùsunu, a unu a unu:
sfìlunu ùmmiri scancaràti.
E non sbàmpunu chiù li rampànti,
e ‘ntròffunu ‘ncippàti li nuciddi
ciurìsciunu li zàghiri.
Lu trenu ca passa a la marìna,
frìsca ‘na vuci di spirànza antìca
a ‘sti rùvula forti di li vecchi,
c’aspèttunu cuntànnu
‘na bòtta di campàna.
RIFLESSO MORENTE: Giornate d’afa opprimente / raggruppano i vecchi alla frescura. / Ascoltando i loro fatti / alberi centenari / intrecciano rami d’ossa / alla corteccia nodosa / nel ricordo d’epoche tristi; /sangue caldo di giovinezza / sfonda la pelle nera, / gonfia le vene delle mani. // – Per chi suona la campana a morto? / – Non sai / che ”Turi ‘u Miricànu” se ne è andato? // Per loro, / la morte è un colpo di battaglio / che spaventa nel cielo limpido / tàccole di campanili, / una carta di lutto / con la Madonna Addolorata / a conforto dei vivi. // – Là, a New York, chi riempie / un cuscino di ”filet”, / con foglie d’arancio? / Chi scalpella il silenzio / per una croce di sciara? // Polmoni incrostati di sigaro, / coppole incatramate di sudore / risuscitano amici e nemici, / con la memoria di tutte le cose: // – Ti ricordi a Peppino ”Iaggiànu”? / – A donna Nina la ”Francavigghiòta”? / – La grandine di Sant’Antonino? / – La sciara del Ventitrè che ricoprì… / – No! Fu quella del Vent’otto! * / Alla montagna / ancora assoda piombo / e staglia a croce / il riflesso morente della luna. // Si alzano, uno a uno: / sfilano ombre storpiate. / E non bruciano più le pendici, / e crescono prosperosi i nocciòli / fioriscono zàgare. / Il treno che passa alla marina, / fischia una voce di speranza antica / a queste querce forti di vecchi, / che aspettano narrando / un colpo di campana.
* Eruzioni dell’Etna 1923 / 1928
Pippo Mazza
