Dùbit

 

Lë scapé dla neuit, prima anliura dl’esse,
ël pensé, memorié, rëscontré paròle
’nt ël seugn che a fortiss ël ciacòt
ant la lus e l’ancreus dij pensé.
Ampression d’antan o carcaveje frose
jë spassi ’d rëscontr ant ël top e l’òja
primalba ch’a vàita le vos ansarìe.
Vrità d’ancheuj e silensi ’d doman,
ma la mira ch’a marca ’l finagi
për la ment ch’a la susna
a l’é tavòta ’nt l’istess ëstrasseugn.

Dubbio        Il fuggire della notte, primo legame dell’essere,/ il pensare, ricordare, controllare parole/ nel sogno che conferma il litigio/ tra la luce e l’interiorità dei pensieri./ Impressioni d’un tempo o incubi spaventosi/ gli spazi di incontro tra il buio e l’aquila/ aurora che osserva le voci arrochite./ Verità di oggi e silenzi di domani,/ ma il punto che segna il confine/ per la mente che lo brama/ è sempre nel medesimo incubo.

 

Print Friendly, PDF & Email